Ձյուդոյի եվրոպական միության նախագահ Սերգեյ Սոլովեյչիկը գնահատել է Չելյաբինսկի նախապատրաստությունը ձյուդոյի Եվրոպայի առաջնությանը, որը տեղի կունենա ապրիլի 26-29-ը:
«Ես եվրոպական ազգային մոտ 20 ֆեդերացիաների նախագահների եմ հրավիրել: Նրանք այն մարդիկ են, ովքեր որոշակի կշիռ ունեն բիզնեսում, քաղաքականության մեջ: Ես ուզում եմ, որպեսզի նրանք ծանոթանան բիզնեսի, քաղաքականության ներկայացուցիչների հետ, այստեղից հեռանան լավ տպավորություններով: Դա լինելու է ոչ թե պարզապես սպորտային, այլ նաև` մի քիչ քաղաքական միջոցառում»,- ասել է Սոլովեյչիկը, հաղորդում է Ռուսաստանի Ձյուդոյի ֆեդերացիայի պաշտոնական կայքը:
Եվրոպայի առաջնությանը Հայաստանի հավաքականը կմեկնի հետևյալ կազմով` Հովհաննես Դավթյան (60կգ), Արմեն Նազարյան (66կգ), Արտյոմ Բաղդասարյան (81կգ), Գայանե Հարությունյան (48կգ) և Ժաննա Ստանկևիչ (57կգ):
