FIFA-ն հրապարակել է Բրազիլիայում 2014թ ֆուտբոլի աշխարհի առաջնության անցկացման ժամանակ Fan Fests փառատոների անցկացման վայրերը:
Fan Fests-ի անցկացման վայրերից են լինելու Բելու Օրիզոնտիի կայարանի մերձակա հրապարակը, Կույաբա ցուցահանդեսային այգին, Կուրիտիբի Բարիգուի այգին և այլն:
Fan Fests-երը ֆուտբոլի երկրպագուների իսկական «քաղաքներ» են: Բաց տարածությունում մեծ էկրանի մոտ կարելի է ոչ միայն վայելել սպորտային տեսարանը, այլ նաև ճաշել, իսկ երեկոյան` անգամ պարել: Ըստ նախնական տվյալների, մուտքը այդ տարածքներ ազատ է լինելու:
Fan Fests-ի կազմակերպման ավանդույթը սկիզբ է առնում 2006թ-ից, երբ աշխարհի առաջնությունը տեղի էր ունենում Գերմանիայում:
Սպասվում է, որ 2014-ի հունիս-հուլիս ամիսներին Բրազիլիա մունդիալի անցկացման ընթացքում կայցելի 600 հազար զբոսաշրջիկ, ևս 3 մլն բրազիլացի կհայտնվի նույն կարգավիճակում:
