«Ռոման Բերեզովսկու վնասվածքը լուրջ չէր, և մի քանի օրից նա արդեն կվերադառնա մարզումների: Արաս Օզբիլիսն արդեն ժամանել է Երևան և գտնվում է Հայաստանի ազգային հավաքականի տրամադրության տակ: Չնայած ղազախների հետ նա չի խաղա, բայց մարզվում է թիմի հետ»,- նշեց Հայաստանի ֆուտբոլի հավաքականի գլխավոր մարզիչ Վարդան Մինասյանը:
Հայաստան-Ղազախստան խաղը կկայանա հունիսի 5-ին Երևանի Վազգեն Սարգսյանի անվան ստադիոնում:
Մինասյանն անդրադարձավ նաև նոր ֆիզպատրաստվածության մարզիչ հոլանդացի Ռայմոն Վերհեյնի աշխատանքին` նշելով, որ նա ծանոթացել է իրենց մարզումներին և թիմի պատրաստվածությանը. «Նա մեզ առաջարկներ կանի ղազախների խաղից հետո, և դրանք մենք կքննարկենք»:
