Մեծ Բրիտանիայի նախարարները չեն մեկնի ֆուտբոլի Եվրոպայի առաջնության ժամանակ Ուկրաինայում իրենց հավաքականի խաղերին, այդ կերպ արտահայտելով այդ երկրի «ընտրողական արդարադատության» վերաբերյալ անհանգստությունը, հաղորդում է Բի-բի-սի-ն:
Բրիտանական իշխանությունների որոշումը կապված է Յուլիա Տիմոշենկոյի դատավճռի և նրա բանտարկության պայմանների հետ:
Եվրոպայի առաջնությունը կանցկացվի հունիսի 8-հուլիսի 1 Լեհաստանում և Ուկրաինայում: D խմբում Անգլիայի հավաքականը պետք է հանդիպի Ուկրաինայի, Ֆրանսիայի և Շվեդիայի հավաքականներին:
