(?)Ըմբշամարտի հետ կապված քո առաջին հիշողությունը:
(!)Առաջին անգամ երբ գորգ դուրս եկա, ամեն ինչ հիանալի ստացվեց, որովհետև մինչ այդ տանը եղբորս հետ միշտ մենամարտում էի, ու մեր տունը կարծես դահլիճ լիներ: Միանգամից զգացի, որ իմն է ըմբշամարտը:
(?)Քո ձեռագիրը գեղեցի՞կ է:
(!)Այդքան էլ չէ:
(?)Ի՞նչ արժե այս օրերին ծիրանը:
(!)Թանկ է երևի:
(?)Սիրո՞ւմ ես չիփս ուտել:
(!)Սիրում եմ, բայց շատ չեմ ուտում:
(?)Ինչո՞ւ են մարդիկ փռշտալիս աչքերը փակում:
(!)Ես չեմ փակում: Կարծեմ, ոնց որ չեն փակում: Սրանից հետո ուշադիր կլինեմ փռշտալիս:
(?)Ո՞ր քաշային կարգում է հանդես եկել գլխավոր մարզիչդ:
(!)68 կգ:
(?)Ի՞նչն է քեզ ամենից շատ զարմացնում կանանց մեջ:
(!)Շատ բան: Բայց կառանձնացնեմ անլրջությունը:
(?)Ի՞նչ ընդհանրություններ ունեն հայերն ու անգլիացիները:
(!)Չգիտեմ: Որ Օլիմպիական խաղերից վերադառնամ, այն ժամանակ կպատմեմ ձեզ առանձնահատկությունների մասին:
(?)Քո սիրած հեռուստատեսային հաղորդումը:
(!) «Վիտամին ակումբ», «Քոմեդի քլաբ»: Սիրում եմ նաև քաղաքական հաղորդումներ դիտել:
(?)Ո՞վ է հայ առաջին Օլիմպիական չեմպիոնը:
(!)Ամոթ է, բայց չգիտեմ:
(?)Ո՞ր Օլիմպիական խաղերում են հայ մարզիկները «նույն գույնի» մեդալներ նվաճել:
(!)Պեկինի, բոլորն էլ բրոնզե մեդալներ:
(?)Քո նախընտրած հանգստի տարբերակը:
(!)Ակտիվ հանգիստ չեմ սիրում: Սիրում եմ պառկել իմ սենյակում ու հանգստանալ:
(?)Քո սիրած մուլտֆիլմը:
(!)«Դե սպասիր»:
(?)Հավանո՞ւմ ես մեր ոստիկանների նոր համազգեստը:
(!)Այո, դուրս շատ է եկել:
(?)Երբեմն ես կարոտում եմ…
(!)Ծնողներիս:
(?)Երբ ես փոքր էի երազում էի…
(!)Օլիմպիական ոսկե մեդալի մասին:
(?)Իմ անունը դրել են Դավիթ, որովհետև…
(!)Մայրիկիս սիրած անունն է:
(?)Ես սիրում եմ գումար ծախսել…
(!)Շորեր և համով ուտելիք գնելու վրա:
(?)Ինձ խենթացնում է, երբ …
(!)Հաղթում եմ:
(?)Բոլորից համեղ պատրաստում է …
(!)Մայրիկս:
