(?)Ծանրամարտի հետ կապված քո առաջին հիշողությունը:(!)14 տարեկան էի, ու առաջին մրցմանն էի մասնակցում Ավստրալիայում: Հիշում եմ, ոնց էի հուզվել ու հարթակի վրա վախեցած դողում էի:
(?)Քո ձեռագիրը գեղեցի՞կ է:
(!)Այո, ես ձախլիկ եմ, բայց գեղեցիկ եմ գրում:
(?)Վերջին անգամ հասարակական տրանսպորտից ե՞րբ ես օգտվել:
(!)Մի քանի ամիս առաջ, երբ հավաքի էինք Աբովյանում ու ավտոբուսով գնացի Երևան:
(?)Ի՞նչ արժե այս օրերին ծիրանը:
(!)Երևի 400 դրամ:
(?)Սիրո՞ւմ ես չիփս ուտել:
(!)Մեկ-մեկ:
(?)Ինչո՞ւ են մարդիկ փռշտալիս աչքերը փակում:
(!)Չգիտեմ:
(?)Ո՞ր քաշային կարգում է հանդես եկել հայրդ` Յուրի Վարդանյանը:
(!)82,5 կգ:
(?)Ի՞նչն է քեզ ամենից շատ զարմացնում կանանց մեջ:
(!)Որ մի օր կարող են շատ ուրախ լինել, բայց մյուս օրն այնքան վատ վարվեն հետդ, որ զարմանաս:
(?)Ի՞նչ ընդհանրություններ ունեն հայերն ու ամերիկացիները:
(!)Նմանություն չգիտեմ, բայց տարբերություններ շատ ունեն: Հայերը շատ շնորքով են:
(?)Քո սիրած հեռուստատեսային հաղորդումը:
(!)Հեռուստացույց շատ չեմ նայում: Ավելի շատ կինոներ եմ դիտում:
(?)Ո՞վ է առաջին հայ Օլիմպիական չեմպիոնը:
(!)Չգիտեմ:
(?)Ո՞ր Օլիմպիական խաղերում են հայ մարզիկները «նույն գույնի» մեդալներ նվաճել:
(!)Պեկինի:
(?)Քո նախընտրած հանգստի տարբերակը:
(!)Պառկեմ ու կինո նայեմ: Հանգստանում եմ նաև մեքենա քշելով:
(?)Քո սիրած մուլտֆիլմը:
(!)«Առյուծ արքան»
(?)Հավանո՞ւմ ես մեր ոստիկանների նոր համազգեստը:
(!)Չեմ տեսել:
(?)Երբեմն ես կարոտում եմ…
(!)Ամերիկայի ընկերներիս:
(?)Երբ ես փոքր էի երազում էի…
(!)Օլիմպիական չեմպիոն դառնալ:
(?)Իմ անունը դրել են Նորայր, որովհետև… (!)Պապիկիս անունն է:
(?)Ես սիրում եմ գումար ծախսել…
(!)Ուտելիքի վրա:
(?)Ինձ խենթացնում է, երբ …
(!)Պետավտոտեսուչն անիմաստ կանգնեցնում է մեքենան:
(?)Բոլորից համեղ պատրաստում է …
(!)Մայրիկս:
