Այսօր կայացել է Լոնդոնի Օլիմպիական խաղերի լող մարզաձևի վիճակահանությունը:
Հայաստանի ներկայացուցիչ Միքայել Քոլոյանը հանդես կգա 100 մ ազատ ոճում: Նա նախնական փուլում երրորդ խմբում կմրցի Գվատեմալայի, Արուբայի, Ալբանիայի, Մալթայի, Իրանի, Բոլիվիայի և Գուամի լողորդների հետ: Մրցումը կկայանա հուլիսի 31-ին:
Իսկ ահա Անահիտ Բարսեղյանը, որը ելույթ կունենա 100 մ թիկնալողում, առաջին խմբում է: Նրա մրցակիցները ներկայացնում են Մոնակոն, Հոնդուրասը, Անդորրան և Ուրուգվայը: Բարսեղյանի ելույթը տեղի կունենա հուլիսի 29-ին:
