Կալինինգրադում բռնցքամարտի մինչև 23 տարեկանների Եվրոպայի առաջնությունում այսօր կկայանան կիսաեզրափակիչ մենամարտերը:
Հայաստանի հավաքականի անդամներից կիսաեզրափակիչ են դուրս եկել երեք բռնցքամարտիկներ:
Մինչև 49 կգ քաշային կարգում Կորյուն Սողոմոնյանը կհանդիպի Վասիլի Եգորովի հետ (Ռուսաստան):
Նարեկ Աբգարյանի (52ք/կ) մրցակիցը կլինի Ռուսաստանի ներկայացուցիչ Վասիլի Վետկինը:
Իսկ մինչև 56 կգ քաշային կարգում Արամ Ավագյանը կպայքարի Ջավիդ Չալաբիևի (Ադրբեջան) հետ:
Հայաստանի հավաքականն առնվազն ունի 3 բրոնզե մեդալներ: ԵԱ եզրափակիչ մենամարտերը կկայանան դեկտեմբերի 18-ին:
