ՀՀ պաշտպանության նախարարի մամուլի քարտուղար Արծրուն Հովհաննիսյանը հերքել է Ադրբեջանի ՊՆ այն հայտարարությունը, թե հայկական կողմը հոկտեմբերի 26-ին դիվերսիոն ներթափանցման փորձ է իրականացրել.
«Այդ տեղեկատվությունը չի համապատասխանում իրականությանը: Հրադադարի պահպանման ռեժիմը նախօրեին խախտել է հենց Ադրբեջանը, ինչի հետևանքով մենք, ցավոք, զոհ ունենք», – ասել է Արծրուն Հովհաննիսյանը, հայտնում է Aysor.am-ը:
Ըստ ռազմական փորձագետների` Ադրբեջանն այս օրերին համանախագահների տարածաշրջանային այցի ֆոնին փորձում է լարել սահմանային իրավիճակն, այդպիսով՝ փորձելով գլոբալ կամ մասնակի հարցերում պարտադրել իր կամքը:
Հակառակորդի կողմից հրադադարի խախտման հետևանքով հոկտեմբերի 26-ին ժամը 17:00-ի սահմաններում, ՊԲ հյուսիսարևելյան ուղղությամբ տեղակայված զորամասերից մեկի պահպանության տեղամասում, մահացու հրազենային վիրավորում է ստացել զինծառայող, 1996թ. ծնված Գուրգեն Ավետիքի Այվազյանը:
