Հայաստանի տղամարդկանց շախմատի ազգային հավաքականի նախկին առաջատար Լևոն Արոնյանը, որն այժմ հանդես է գալիս ԱՄՆ-ի դրոշի ներքո, դարձել է Ֆիշերի արագ շախմատի Freestyle Chess Grand Slam Final մրցաշարի հաղթող։
Մրցաշարի որոշիչ խաղում Արոնյանը պայքարել է դասական շախմատի աշխարհի նախկին չեմպիոն, ՖԻԴԵ-ի վարկանիշային աղյուսակի առաջատար նորվեգացի Մագնուս Կարլսենի հետ և հաղթել 1․5։0․5 հաշվով, հայտնում է Արմենպրեսը։
Մրցաշարը կազմակերպվել է Հարավաֆրիկյան Հանրապետությունում՝ համախմբելով ուժեղագույն գրոսմայստերներին շախմատի նորարարական ֆորմատում։
