«Հիդրոօդերևութաբանության և մոնիթորինգի կենտրոնի» տնօրենի տեղակալ Գագիկ Սուրենյանը ֆեյսբուքյան իր էջում գրել է, որ Տավուշում և Սյունիքում գարնանային տրամադրություն է:
«Իջևանում, Բագրատաշենում, Գորիսում, Կապանում և մի շարք այլ բնակավայրերում ժամը 14։00 դրությամբ +14․․․+18 աստիճան է»,-գրել է նա:
Հանրապետության տարածքում hունվարի 7-8-ին, 9-ի գիշերը, 11-ին սպասվում է առանց տեղումների եղանակ։ Հունվարի 9-ի ուշ երեկոյան, 10-ին առանձին շրջաններում սպասվում է ձյուն։
Քամին հյուսիսարևմտյան՝ 2-5մ/վ։
Օդի ջերմաստիճանը հունվարի 7-9-ի ցերեկը կբարձրանա 3-5, հունվարի 7-10-ի գիշերը՝ 16-20, Լոռիում, Տավուշում և Սյունիքում՝ 4-6 աստիճանով։
Երևանում հունվարի 7-8-ին, 9-ի գիշերը, 11-ին սպասվում է առանց տեղումների եղանակ: Հունվարի 9-ի ուշ երեկոյան, 10-ի գիշերը և առավոտյան սպասվում է ձյուն:
Մայրաքաղաքում հունվարի լույս 8-ի գիշերը սպասվում է -10 աստիճան:
