«Աերոֆլոտ» ավիաընկերության կողմից նախատեսված Կրասնոդար-Երևան չվերթը կրկին չեղարկվել է։ Այդ մասին են վկայում «Զվարթնոց» միջազգային օդանավակայանի առցանց չվացուցակի տվյալները։
Հունվարի 12-ին ևս նշված չվերթը չեղարկվել էր, քանի որ Կրասնոդարի օդանավակայանը ժամանակավորապես դադարեցրել է իր աշխատանքը։
«Ռոսավիացիան» հաղորդել է, որ օդանավակայանի գործունեությունը վերականգնվել է միայն հունվարի 13-ի առավոտյան, երբ չեղարկվել են թռիչքների անվտանգությանը վերաբերող սահմանափակումները։ Սակայն, վերագործարկման մասին տեղեկությունից հետո անգամ, այսօրվա չվերթը ևս չի իրականացվի, հայտնում է Sputnik Արմենիան:
Բացի այդ, ուշացումներ են գրանցվել նաև Միներալնիե Վոդիից և Մոսկվայից Երևան մեկնած չվերթերի ժամանման ժամանակացույցում։
