Փետրվարի 21-ին ՀՀ արդարադատության նախարարության «Նուբարաշեն» քրեակատարողական հիմնարկի ծառայողները խուզարկել են կալանավորված անձանց հետ տեսակցության ներկայացած փաստաբանին, հայտնում է ՔԿԾ-ն։
Խուզարկության արդյունքում փաստաբանի պայուսակից՝ փաստաթղթերի տակ, հայտնաբերվել է 10 մլ տարողությամբ սպիտակ, թափանցիկ ներարկիչ՝ առանց հետնամասի, երկկողմանի հալեցված վիճակով։
Ներարկիչի ներսում գտնվել է 8.44 գրամ քաշով, թմրամիջոցի նմանվող մուգ շագանակագույն փոշենման զանգված։
Փաստաբանը ձերբակալվել է Քրեակատարողական ծառայության կենտրոնական մարմնի օպերատիվ վարչության «Նուբարաշեն» տարածքային բաժնի աշխատակիցների կողմից և թմրամիջոցի նմանվող զանգվածի հետ միասին ներկայացվել ՀՀ ՔԿ Էրեբունի և Նուբարաշեն վարչական շրջանների քննչական բաժին։
