«Զվարթնոց» միջազգային օդանավակայանը արժանացել է ASQ Customer Experience Awards հեղինակավոր մրցանակների՝ երկու անվանակարգում։
Օդանավակայանը ճանաչվել է
- Լավագույն օդանավակայան Եվրոպայում (Best Airport in Europe)
- Ամենանվիրված անձնակազմ (Most Dedicated Staff)
«Զվարթնոց» միջազգային օդանավակայանը ներառվել է հաղթողների ցանկում տարեկան 5–15 միլիոն ուղևոր սպասարկող օդանավակայանների անվանակարգում, որտեղ ընդհանուր առմամբ գնահատվել է Եվրոպայի 39 օդանավակայան։
Մրցանակակիրներն ընտրվում են բացառապես ուղևորների անկախ և անմիջական գնահատականների հիման վրա՝ իրականացված ստանդարտացված հարցումների միջոցով։
Customer Experience Awards-ը համարվում է ուղևորների սպասարկման որակի և ընդհանուր փորձառության գնահատման ոլորտում համաշխարհային նշանակության հեղինակավոր մրցանակաբաշխություններից մեկը, որը շնորհվում է «Airports Council International World» միջազգային կազմակերպության կողմից։
