Forbes հեղինակավոր ամսագիրը հրապարակել է 2025 թվականի ամենաբարձր վարձատրվող դերասանների ցանկը, որի առաջին հորիզոնականում հայտնվել է Ադամ Սենդլերը՝ մոտ 48 միլիոն դոլար եկամուտով։
Երկրորդ տեղում է Թոմ Կրուզը՝ մոտ 46 միլիոն դոլար եկամուտով, իսկ երրորդ հորիզոնականում՝ Մարկ Վահլբերգը, որի եկամուտը կազմել է 44 միլիոն դոլար, հայտնում է Radar Armenia-ն:
Լավագույնների ցանկում ընդգրկվել են նաև Սքառլեթ Յոհանսոնը և Բրեդ Փիթը, որոնք համապատասխանաբար զբաղեցրել են չորրորդ և հինգերորդ տեղերը։
Forbes-ի ցուցակում ընդգրկված են նաև Դենզել Վաշինգտոնը, Ջեք Բլեքը, Ջեյսոն Մոմոան և Դենիել Քրեյգը։
Ցանկում ընդգրկված ամենաերիտասարդ դերասանը դարձել է Միլի Բոբի Բրաունը, որը նույնպես հայտնվել է լավագույնների շարքում։
Ընդհանուր առմամբ, Forbes-ը նշել է, որ 2025 թվականին դերասանների եկամուտները նվազել են նախորդ տարվա համեմատ՝ կազմելով մոտ 590 միլիոն դոլար, ինչը մոտ 20 տոկոսով պակաս է 2024 թվականի ցուցանիշից։
