Մարտի 26-ի առավոտյան՝ ժամը 08։08-ին, ՆԳՆ 112 օպերատիվ կառավարման կենտրոնը ահազանգ է ստացել, որ Երևան քաղաքի Հալաբյան փողոցում ավտոբուսի անիվների հատվածից ծուխ է նկատվում, և անհրաժեշտ է հրշեջ-փրկարարների միջամտությունը։
Դեպքի վայր է մեկնել ՆԳՆ փրկարար ծառայության Երևանի փրկարարական վարչության հրշեջ-փրկարարական ջոկատի մեկ մարտական հաշվարկ։
Տեղում պարզվել է՝ այրվում են ավտոբուսի հետևի արգելակման կոճղակները, և տուժածներ չկան, հայտնում է Փրկարար ծառայություն:
Հրդեհը մեկուսացվել է ժամը 08։19-ին, իսկ ամբողջությամբ մարվել՝ 08։37-ին։
