Հյուսիս-Հարավի Գյումրի տանող հատվածի պաշտոնական բացումը կնշվի ավտոերթով: Այդ մասին ֆեյսբուքյան իր էջում հայտնել է վարչապետ Նիկոլ Փաշինյանը:
Ավտոերթը նախատեսված է ապրիլի 19-ին:
«Բոլորիդ հրավիրում եմ՝ Ձեր ավտոմեքենաներով։ Գնում ենք Գյումրիում մեր սիրելի գյումրեցիների հետ լավ օր անցկացնելու, իրար շնորհավորելու»,– գրել է Նիկոլ Փաշինյանը:
Նա ցանկացողներին հորդորել է գրանցվել QR կոդով կամ հղումով։
Փաշինյանը նաև նշել է, որ շարժվելու ժամի և վայրի մասին լրացուցիչ կտեղեկացվի զանգով։
ՀՀ-ում խորհրդարանական ընտրություններն անցկացվելու են 2026-ի հունիսի 7-ին:
