Հայաստանի ներկայացուցիչ Գոռ Սահակյանը (71 կգ) դարձել է Վրաստանի Բաթումի քաղաքում ընթացող ծանրամարտի Եվրոպայի առաջնության արծաթե մեդալակիր:
Երկամարտում նա բարձրացրել է 330 կգ (150+180), հայտնում է Հայաստանի ծանրամարտի ֆեդերացիան:
Սահակյանը պոկում վարժությունում բարձրացրել է 146 կգ ու 150 կգ: Այս վարժությունում Սահակյանն առաջինն էր: Հրում վարժությունում նա բարձրացրել է 180 կգ: Այս վարժությունում նա երրորդն էր:
Ավելի վաղ փոխչեմպիոնի կոչում էին ստացել նաև Ալեքսանդրա Գրիգորյանը (58 կգ) և Գառնիկ Չոլաքյանը (60 կգ)։
