Մայիսի 4-ի երեկոյից սկսած և առաջիկա օրերին հանրապետության մի շարք գետերի ավազաններում՝ Արփա, Եղեգիս, Հրազդան, Մարմարիկ և Վեդի, սպասվել է ջրի մակարդակի զգալի բարձրացում՝ ամպրոպային տեղումների ազդեցությամբ, հայտնում է ՇՄՆ Հիդրոօդերևութաբանության և մոնիթորինգի կենտրոնը:
Հնարավոր են վտանգավոր իրավիճակներ, այդ թվում՝ ափամերձ տարածքների ողողումներ, հատկապես Արենի-Եղեգնաձոր-Վայք, Հրազդան, Հանքավան, Աղավնաձոր և Ուրցաձոր հատվածներում։
ՆԳ նախարարի հանձնարարությամբ իրականացվել են իրազեկման միջոցառումներ, պատասխանատու ստորաբաժանումները կապ են հաստատել գործընկեր կառույցների հետ, իսկ փրկարարական ուժերը անցել են արտակարգ ծառայության ռեժիմի։
Քաղաքացիներին ՆԳՆ փրկարար ծառայությունը հորդորում է խուսափել գետերին հարակից տարածքներում գտնվելուց և վտանգի դեպքում անմիջապես զանգահարել 112։
