Մայիսի 5-ին Ամենայն Հայոց կաթողիկոս Գարեգին Երկրորդը ընդունել է Սուրբ Խաչի երևման տոնին քահանայական կոչման արժանացած յոթ նորաօծ քահանաներին՝ Մայր Աթոռի ներկայացուցիչների ուղեկցությամբ։
Հանդիպման ընթացքում ներկայացվել են նորաօծ հոգևորականները, և նրանց համար հայցվել է Վեհափառ Հայրապետի օրհնությունն ու պատգամը։
Կաթողիկոսը պատգամել է հոգևորականներին արիությամբ դիմակայել փորձություններին
Նա անդրադարձել է քահանայական առաքելությանը՝ կարևորելով նվիրված և պատասխանատու ծառայությունը՝ ի նպաստ եկեղեցական կյանքի զորացման և ազգային առաջընթացի։
Վեհափառ Հայրապետը հորդորել է երիտասարդ հոգևորականներին լինել հետևողական և ամուր կամքի տեր, հոգևոր ուժով հաղթահարել բոլոր դժվարությունները և իրենց օրինակով ծառայել հավատացյալներին։
Նրա խոսքով՝ քահանաները պետք է առաջնորդվեն սիրո, զոհողության և հանձնառության սկզբունքներով՝ ամրապնդելով համայնքային կյանքը և պահպանելով Եկեղեցու հեղինակությունը։
Հանդիպման ավարտին Կաթողիկոսը «Պահպանիչ» աղոթքով օրհնել է քահանաներին և նրանց նվիրել «Մաշտոց» ծիսարաններ։
