Գյումրիում սուր աղիքային վարակի դեպքեր են արձանագրվել, ինչի հետևանքով «Տիրամայր Հայաստանի» կենտրոնի 15 սան հոսպիտալացվել է, հայտնում է Հիվանդությունների վերահսկման և կանխարգելման ազգային կենտրոնը:
Խմելու ջրի հետազոտությունների արդյունքում շեղումներ չեն հայտնաբերվել:
Բուժառուների վիճակը գնահատվում է բավարար, արձանագրվում է դրական դինամիկա, նոր դեպքեր չեն գրանցվել։
«Դեպքի առնչությամբ ՀՀ ԱՆ Հիվանդությունների վերահսկման և կանխարգելման ազգային կենտրոնի մասնագետներն իրականացրել են համաճարակաբանական ուսումնասիրություն, ինչպես նաև նմուշառումներ և լաբորատոր հետազոտություններ։
Խմելու ջրի հետազոտությունների արդյունքում շեղումներ չեն հայտնաբերվել։
Կենսաբանական նմուշների հետազոտությունները շարունակվում են: Լրացուցիչ տեղեկատվություն կտրամադրվի հետազոտությունների ավարտից հետո»,- ասվում է հաղորդագրությունում։
