ՀՀ-ում Իրանի դեսպանատունն արձագանքել է «Եվրատեսիլի» ընթացքում իսրայելական հեռուստաալիքի կողմից Հայաստանն Ադրբեջանի դրոշով ներկայացնելու դեպքին։
«Ոչ ոք չի կարող Հայաստանի գեղեցիկ դրոշի փոխարեն այլ դրոշ ցուցադրել։ Հայաստանը պատմական և քաղաքակրթական ազգ է, և Իրանը միշտ եղել է նրա կողքին»,– ասված է դեսպանության X-ի էջում։
Իսրայելական Kan 11 պետական հեռուստաալիքը «Եվրատեսիլ» երգի մրցույթի կիսաեզրափակչի հեռարձակման ընթացքում Հայաստանն ու Ադրբեջանը ներկայացրել է նույն՝ Ադրբեջանի դրոշի ներքո։ Այս մասին հայտնել է Պետախ Տիկվայի «Նաիրի» իսրայելահայերի միության նախագահ Արտյոմ Չերնամորյանը, հայտնում է Sputnik Արմենիան:
Այդ միջադեպից հետո Հայաստանի Հանրային հեռուստաընկերությունը դիմել է Իսրայելի հանրային հեռարձակողին՝ պարզաբանումներ պահանջելով։ Ավելի ուշ Իսրայելի հանրային հեռարձակող կորպորացիան հրապարակային ներողություն է խնդրել։
