Մայիսի 23-ին տեղի կունենա Կաննի 79-րդ կինոփառատոնի փակման արարողությունը: Մրցույթին մասնակցել է 22 լիամետրաժ ֆիլմ, հաղթողները կհայտարարվեն օրվա ավարտին:
Արտամրցութային ֆիլմերի ցանկում առավել քննարկվող նախագծերից է Շառլ դը Գոլի մասին «Դը Գոլ. Ճկվող երկաթ» պատմական դրաման, որտեղ գլխավոր կերպարը մարմնավորել է ֆրանսահայ դերասան Սիմոն Աբգարյանը։ Նրան ընդունել են տևական ծափահարություններով:
Երկմասանոց պատումը տևում է գրեթե հինգ ժամ:
Կաննի Cannes Classics ծրագրում ներկայացվել է նաև հայ ռեժիսոր Արտավազդ Փելեշյանի հինգ վերականգնված ֆիլմ՝ «Մարդկանց երկիրը» (1966), «Սկիզբը» (1967), «Մենք» (1969), «Բնակիչները» (1970) և «Տարվա եղանակները» (1975)։
Գլխավոր մրցանակի՝ «Արմավելու ոսկե ճյուղի» առավել մեծ շանսեր ունի 4 կինոնկար՝ ֆրանսիացի Շարլին Բուրժուա-Տակեի «Կնոջ կյանքը», իսպանացի Պեդրո Ալմոդովարի «Դառնացած Սուրբ Ծնունդը», լեհ Պավել Պավլիկովսկու «Հայրենիքը» և ռուս ռեժիսոր Անդրեյ Զվյագինցևի «Մինոտավրոսը»:
