Դավիթ Նալբանդյանը դուրս է եկել ATP Copa Claro մրցաշարի քառորդ եզրափակիչ, որն անցնում է Բուենոս Այրեսում: 1/8 եզրափակչում Նալբանդյանը հանդիպել է արգենտինացի Խուան Պաբլո Բրժեժիցկու հետ և հեշտությամբ հաղթել նրան երկու սեթում 6:1, 6:2 հաշվով: Հանդիպումը տևել է 1 ժամ 8 րոպե, հաղորդում է թենիսիստի պաշտոնական կայքէջը:
1/8 եզրափակչի մասնակից մյուս խաղում իսպանացի Թոմմի Ռոբրեդոն հաղթել է Ալբերտ Ռամոս-Վինյոլասին, նույնպես Իսպանիայից, Ռոբրեդոն քառորդ եզրափակչում կհանդիպի Նալբանդյանի հետ:
