Ապրիլի 17-ին «Դիլիջան» կամերային երաժշտության շարքն ավարտեց համերգաշրջանը Լոս Անջելեսի Zipper Hall սրահում Բեթհովենի 15-րդ լարային կոնցերտով, որը նվիրված է Հայոց ցեղասպանության 96-րդ տարելիցին: Համերգին մասնակցում էին ջութակահար Մովսես Պողոսյանը, Լոս Անջելեսի ֆիլհարմոնիկ նվագախմբի ջութակահար Վարթի Մանուելյանը և թավջութակահար Պիտեր Ստամպֆը, ինչպես նաև երգչուհի Շուշիկ Բարսումյանը, դաշնակահար Ստեֆան Մանեսը, ջութակահարուհի Արուսիակ Բալթայանը և այլք:
«Դիլիջանն» այս տարի փակեց ճապոնական JapanOC փառատոնը, որի շրջանակներում ելույթ է ունեցել Տոկիոյի լարային քառյակի հետ Samueli Theater-ում: Համերգի ընթացքում ոչինչ չի ասվել ճապոնացիների` երկրաշարժի արդյունքում առաջացած տառապանքների մասին, սակայն միջանցքում վաճառվում էին դպրոցականների ձեռքով պատրաստված օրիգամիներ, որոնց վաճառքից ստացված հասույթը տրամադրվեց աղետից տուժածներին:
