Ապրիլի 29-ին ՀՀ կառավարությունում տեղի է ունեցել Էդվարդ Միրզոյանի 90-ամյակի տոնակատարությունը նախապատրաստող հոբելյանական հանձնաժողովի նիստ, վարչապետ Տիգրան Սարգսյանի գլխավորությամբ:
Հայտնի կոմպոզիտորի ծննդյան 90-ամյակին նվիրված միջոցառումների ցանկը 2011 թվականի համար ներառում է մի շարք ձեռնարկումներ. մշակութային, գիտակրթական (երեկոներ, գիտաժողովներ, մրցույթ-փառատոններ և հոբելյանական համերգներ), գիրք-ալբոմի և հուշերի հրատարակություններ, վավերագրական ֆիլմի նկարահանում ու ցուցադրություն, ձայնասկավառակի պատրաստում, Երևանի պետական կոնսերվատորիայում ԷդվարդՄիրզոյանի անվան կրթաթոշակի սահմանում և այլն։
