Իտալիայի նախկին վարչապետ Սիլվիո Բեռլուսկոնին մտածում է «Միլան» ֆուտբոլային ակումբը վաճառելու մասին: Իտալական ակումբը կարող են գնել Բեռլուսկոնիի ռուս բարեկամները, հայտնում է pravda.ru-ն: Սակայն, դրանք դեռ լուրեր են:
Օրերս հերթական անգամ տեղեկություն է հայտնվել, որտեղ ասվում է, որ Իտալիայի նախկին վարչապետը լրջորեն մտածում է իր ֆուտբոլային ակումբը վաճառելու մասին, որի սեփականատերն է նա արդեն գրեթե 26 տարի շարունակ:
Բեռլուսկոնիի շրջապատում նշում են, որ նա որոշել է ձերբազատվել ակումբից վատ ֆինանսական վիճակի պատճառով: «Միլանի» պարտքերը, որոշ գնահատականներով, կազմում են 75-110 մլն եվրո տարեկան: Հավանաբար, հենց այդ վնասների փոխհատուցմամբ է ստիպված զբաղվել Բեռլուսկոնին:
