«Ֆերարիի» տեխնիկական տնօրեն Փեթ Ֆրայը հայտարարել է, որ թիմը կշարունակի աշխատել արտանետման համակարգի վերջին փոփոխություններին բոլիդի ադապտացման վրա՝ լավագույն ճնշման ուժի հասնելու նպատակով:
«Մենք պետք է լավացնենք ճնշման ուժի մակարդակը, բայց մենք հիանալի հասկանում ենք, որ զարգացման տեմպերը բոլորի համար նույնն են: Մենք մինչ Մելբուռնը մի քանի նորացում կունենանք, հիմնականում ուղղված արտանետման համակարգին մեքենաների ադապտացմանը, որը մենք կօգտագործենք սեզոնի առաջին չորս մրցարշավի ժամանակ»:
