Հելսինկիում ավարտվել է բռնցքամարտի միջազգային մրցաշարը, որին մասնակցում էին նաև հայ բռնցքամարտիկները: Հայաստանի բոլոր ներկայացուցիչները մեդալներ են նվաճել:
Մինչև 75 կգ քաշային կարգում Անդրանիկ Հակոբյանը գրավել է առաջին հորիզոնականը: Կիսաեզրափակչում հայ մարզիկը 20:8 հաշվով հաղթանակ է տարել Դենիս Կորմիլինի նկատմամբ, իսկ եզրափակչում ուժեղ է եղել Ամիր Սմեսեմից:
Մենամարտն ավարտվել է 20:7 հաշվով, և Հակոբյանը ոսկե մեդալ է նվաճել:
Հայասատանի հավաքականի մյուս անդամներ` Կորյուն Սողոմոնյանը, Նարեկ Աբգարյանը, Արամ Ավագյանը, Արա Պուլուզյանը և Հրայր Մաթևոսյանը նվաճել են բրոնզե մեդալներ:
Կիսաեզրափակչի մենամարտերում Սողոմոնյանը զիջել է Ալեքսանդր Ալեքսանդրովին, Աբգարյանը` Պեդրո Մատոսին, Ավագյանը` Եվգենի Ավերինին, Պուլուզյանը` Աբդելաք Ատանարիին, իսկ Մաթևոսյանը` Ալեքսանդր Բեսպուտինին:
Ավելի վաղ, Հայաստանի բռնցքամարտի հավաքականի գլխավոր մարզիչ Կարեն Աղամալյանն ասել է , որ մրցաշարից հետո պարզ կդառնա, ով է պատրաստ վարկանիշային մրցաշարին, որը տեղի կունենա Տրապզոնում ապրիլի 13-22: Հայ բռնցքամարտիկներից օլիմպիական ուղեգիր նվաճել է միայն Անդրանիկ Հակոբյանը:
