Ավարտվել է ինտերնետային քվեարկությունը, որի արդյունքում ընտրվել են հունիսին կայանալիք Տալի հուշամրցաշարի մասնակիցները: Հաղթող է դարձել անգլիացի շախմատիստ Լյուկ Մակշեյնը:
Պայքարը չափազանց համառ էր, և մինչև վերջ էլ երեք առաջատարները հավասար քայլերով էին ընթանում: Երկրորդ հորիզոնականը զբաղեցրել է Ալեքսեյ Շիրովը, երրորդը` Շահրիար Մամեդյարովը, հաղորդում է chess-news.ru-ն:
Միխայիլ Տալի 7-րդ հուշախաղը կանցնի Մոսկվայում 2012թ հունիսի 7-19: Մրցաշարին կմասնակցեն աշխարհի 10 ուժեղագույն գրոսմայստերներ: Նրանցից վեցը արդեն հաստատել են իրենց մասնակցությունը: Նրանք են Մանգուս Կարլսենը, Լևոն Արոնյանը, Վլադիմիր Կրամնիկը, Թեյմուր Ռաջաբովը, Հիկարու Նակամուրան և Ֆաբիանո Կարունան:
