Եվրոպայի ֆուտբոլի առաջնության օպերացիոն տնօրեն Մարտին Կալլենը գոհունակություն է հայտնել առաջնությանը Ուկրաինայի ու Լեհաստանի պատրաստվածության վերաբերյալ, սակայն հայտարարել է, որ դեռևս խնդիրներ կան տրանսպորտի ու կացարանների հետ կապված:
Նա հայտարարել է, որ EURO-2012 անցկացման համար բոլոր անհրաժեշտ աշխատանքները հիմնական ենթակառուցվածքների կառուցման առումով արդեն ավարտված են: Այնուամենայնիվ, խնդիրներ կան օդանավակայանների ու հյուրանոցների հարցում: Այսօրվա վիճակում դրանք հազիվ թե կարողանան մեծ քանակությամբ երկրպագուների ընդունել:
ՈւԵՖԱ-ն մայիսի 9-ին կընդունի բոլոր մարզական օբյեկտները, որոնք կգործարկվեն Եվրո-2012-ում:
