Պաշտպանության նախարարությունը հերքել է այն տեղեկությունը, թե բանակում ծառայություն մատուցող հոգևորականներին խոստացվել է դրամական աջակցություն։
«Չի համապատասխանում իրականությանը»,- գրել է պաշտպանության նախարարի մամուլի քարտուղար Արամ Թորոսյանը։
Հայր Հովհաննես Թորգոմյանն ավելի վաղ ահազանգել էր, որ ՀՀ Զինված ուժերում ծառայող գնդերեցներին տարբեր ձևերով և մեթոդներով «փորձում են ներքաշել այս ազգակործան, տիրադավ և հայրենադավ, կեղծ բարենորոգման արհեստական շարժման և օրակարգի մեջ»: Այդ մասին նա գրել էր ֆեյսբուքյան իր էջում:
Մայր Աթոռ Սուրբ Էջմիածինն արձագանքել է գնդերեցների հանդեպ ճնշումների մասին լուրերին՝ նշելով, որ երևույթը միանշանակ դատապարտելի է և անընդունելի:
