«Քաղաքացիական պայմանագիր» խմբակցությունը ՀՀ կենտրոնական բանկի նախագահի պաշտոնում կառաջադրի Մարտին Գալստյանի թեկնածությունը։ Այդ մասին ֆեյսբուքյան իր էջում հայտնել է խմբակցության ղեկավար Հայկ Կոնջորյանը:
«Ազգային ժողովում տեղի է ունեցել «Քաղաքացիական պայմանագիր» խմբակցության նիստ:
Քննարկվել են փետրվարի 10-ին մեկնարկող Ազգային ժողովի քառօրյա նիստերի օրակարգային հարցերը:
Խմբակցությունը որոշում է կայացրել ՀՀ Կենտրոնական բանկի նախագահի պաշտոնում առաջադրել Մարտին Գալստյանի թեկնածությունը»,-ասվում է գրառման մեջ:
