Հայաստան այցելած ազգությամբ ադրբեջանցիները ՌԴ քաղաքացիներ են, ովքեր ՀՀ են այցելել նաև նախկինում` 2013 ու 2014 թվականներին։ Այդ մասին հայտնել են Ազգային անվտանգության ծառայությունից, տեղեկացնում է Արմենպրեսը:
Համացանցում տեսանյութ էր տարածվել Ամասիայում շրջող ադրբեջանցիների մասին, որը մեծ աղմուկ էր բարձրացրել:
Նշվել է, որ նրանք մուտք են գործել Հայաստան և լքել երկիրը պետական սահմանի «Բագրատաշեն» անցման կետով, իսկ այցերն ունեցել են մասնավոր բնույթ։
Ծառայությունից նաև հիշեցրել են, որ ԱԱԾ գործունեության և դրա արդյունքների վերաբերյալ տեղեկությունները դասվում են պետական գաղտնիք համարվող տեղեկատվության շարքին և, «Տեղեկատվության ազատության մասին» օրենքի 8-րդ հոդվածի 1-ին մասի 1-ին կետի համաձայն, հրապարակման ենթակա չեն։
