ՀՀ արտաքին գործերի նախարար Արարատ Միրզոյանը Լիբանանի արտաքին գործերի և էմիգրանտների հարցերով նախարար Յուսեֆ Ռաջիի հետ հեռախոսազրույցում վերահաստատել է ՀՀ աջակցությունը Լիբանանի ինքնիշխանությանը և տարածքային ամբողջականությանը։
Զրուցակիցները քննարկել են Մերձավոր Արևելքում ձևավորված իրավիճակը։
Կարևորվել է նաև քաղաքացիական օբյեկտների թիրախավորումը բացառելու անհրաժեշտության հարցում սկզբունքային դիրքորոշումը։
Կողմերը անդրադարձել են նաև ստեղծված հումանիտար իրավիճակին և քննարկել հնարավոր քայլերը։
Նախարար Միրզոյանը շնորհակալություն է հայտնել Լիբանանից Հայաստանի Հանրապետության քաղաքացիների տեղափոխման համար կազմակերպված ավիաթռիչքի հարցում ցուցաբերված աջակցության համար։
Իսրայելնհարվածել է Բեյրութի հարավային արվարձաններին: Մերձավոր Արևելքի պատերազմի հետևանքով Լիբանանում մարտի 2-ից մինչև այժմ զոհվել է ավելի քան 687 մարդ: Միավորված ազգերի կազմակերպության գլխավոր քարտուղար Անտոնիու Գուտերեշը ժամանել է Բեյրութ։
Լիբանանը ներգրավվեց Մերձավոր Արևելքի պատերազմում անցյալ շաբաթ, երբ Իրանի աջակցությունը վայելող «Հեզբոլա» զինված խմբավորումը հարձակվեց Իսրայելի վրա՝ ի պատասխան ԱՄՆ-իսրայելական հարվածների ընթացքում Իրանի գերագույն առաջնորդ այաթոլլա Ալի Խամենեիի սպանության։
