Ազգային ժողովրդավարական բևեռը ընտրություններին կմասնակցի առանձին։ Այդ մասին հայտնել է ԱԺԲ անդամ Արա Պապյանը, տեղեկացնում է Factor.am-ը:
Նրա խոսքով՝ բևեռի վարչապետի թեկնածուն Վարուժան Ավետիսյանն է, որն այժմ գտնվում է անազատության մեջ։
Միաժամանակ Պապյանը հավելել է, որ ընթացել են քննարկումներ երեք կուսակցության հետ՝ նրանց ներկայացուցիչներին ընտրական ցուցակում ընդգրկելու վերաբերյալ, սակայն չի հստակեցրել, թե որ քաղաքական ուժերի մասին է խոսքը։
ԱԺ ընտրությունների առաջադրումների վերջնաժամկետը ապրիլի 23-ն է։
ՀՀ-ում խորհրդարանական ընտրություններն անցկացվելու են 2026-ի հունիսի 7-ին:
