Հայաստանը ԱՊՀ երկրների արտգործնախարարների խորհրդի նիստին կմասնակցի փոխնախարարի մակարդակով։ Այդ մասին հայտնել է ՀՀ ԱԳՆ մամուլի խոսնակ Անի Բադալյանը, տեղեկացնում է Sputnik Արմենիան:
«Նիստի աշխատանքներին կմասնակցի Հայաստանի փոխարտգործնախարար Մնացական Սաֆարյանը», – ասել է նա։
ԱՊՀ երկրների արտաքին գործերի նախարարների խորհրդի նիստը նախատեսված է անցկացնել ապրիլի 17-ին Մոսկվայում։
