«Ուժեղ Հայաստանի» անդամների ձերբակալություններն ուղղված են կուսակցության աշխատանքները կազմալուծելուն, հայտարարել է Վանաձորի նախկին քաղաքապետ, կուսակցության ցուցակում ընդգրկված Մամիկոն Ասլանյանը լրագրողների հետ զրույցում:
«Այս ամենը դիտարկեք որպես նախընտրական շոու ծրագիր»,-ասել է նա, հայտնում է Panorama.am-ը:
Ըստ նրա, գլոբալ առումով սա իշխանությունների հավելյալ վախերի, անխուսափելի պարտությունը զգալու արդյունք է։
Ասլանյանը նշել է նաև, որ վերջին տարիներին Հակակոռուպցիոն կոմիտեի հայտարարությունների համաձայն՝ Հայաստանի բնակչության մեծ մասը ներգրավված է կոռուպցիոն գործընթացներում։
«Եկեք չառաջնորդվենք հակակոռուպցիոն կոմիտեի նախընտրական պրես ռելիզներով, առաջանորվենք նրանով, թե ինչ է կատարվում ռեալ կյանքում՝ ինչ է տեղի ունենում մեր շուրջը»,-ասել է նա:
«Ուժեղ Հայաստանի» անդամների ձերբակալության մասին ՀՀ հակակոռուպցիոն կոմիտեից հայտնել են, որ «քննվող քրեական վարույթի շրջանակում ձերբակալվել է 14 անձ՝ ընտրակաշառք տալու և ստանալու մեղադրանքներով»։
