Հայաստանի պետական բարձրագույն ղեկավարությունը Ծիծեռնակաբերդի հուշահամալիրում հարգանքի տուրք է մատուցել Հայոց ցեղասպանության զոհերի հիշատակին։
Հանրապետության նախագահ Վահագն Խաչատուրյանը, վարչապետ Նիկոլ Փաշինյանը և Ազգային ժողովի նախագահ Ալեն Սիմոնյանը ծաղկեպսակ են դրել հուշահամալիրի մոտ և ծաղիկներ են խոնարհել անմար կրակի առաջ։
Մինչ արարողության մեկնարկը, հուշահամալիրում կենդանի կատարմամբ հնչել է Հայաստանի Հանրապետության պետական օրհներգը։
Այնուհետև զոհերի հիշատակին իրենց հարգանքն են հայտնել նախարարները, Ազգային ժողովի պատգամավորները, Հայաստանում հավատարմագրված օտարերկրյա դեսպանները և այլ բարձրաստիճան պաշտոնյաներ։
