Հակակոռուպցիոն կոմիտեն հաստատել է «Ուժեղ Հայաստան» կուսակցության անդամ Արթուր Ավանեսյանի ձերբակալության մասին տեղեկությունը, հայտնում է Արմենպրեսը:
Այլ մանրամասներ հայտնի չեն: Կոմիտեից նշել են, որ անհրաժեշտության դեպքում լրացուցիչ տեղեկատվություն կտրամադրվի։
Ավանեսյանն առավելապես հայտնի է որպես հետախույզ Կանդազ: Նա ունի Լեռնային Ղարաբաղի Պաշտպանության բանակում ծառայության 30-ամյա մարտական փորձ:
Sputnik Արմենիայի տեղեկություններով՝ նա անցնում է ընտրական գործընթացների հետ կապված ենթադրյալ խախտումների գործով։
Լուրին անդրադարձել է նաև «Ուժեղ Հայաստան» կուսակցության քաղաքական խորհրդի անդամ Նարեկ Կարապետյանը։
«Առավոտ բերման են ենթարկել պատերազմի հերոս` Կանդազին , հակակոռուպցիոն կոմիտեին մաղթում եմ խաղաղ հարցաքննություն:
Ազերիների երազանքները իրականացնողներին պետք է փոխենք Հայերի երազանքները իրականացնողներով»,-գրել է նա:
ՀՀ-ում խորհրդարանական ընտրություններն անցկացվելու են 2026-ի հունիսի 7-ին:
