Հայաստանի արտգործնախարարությունը հաստատել է, որ Հայաստան է ժամանել Ադրբեջանի պատվիրակությունը՝ փոխվարչապետ Շահին Մուստաֆաևի գլխավորությամբ, հայտնում է Factor.am-ը:
ԱԳՆ մամուլի խոսնակ Անի Բադալյանն այլ մանրամասներ չի հայտնել, միայն նշել է, որ լրացուցիչ մամուլի հաղորդագրություն կտարածեն։
Ավելի վաղ հայտնի դարձավ, որ ապրիլի 29-ի առավոտյան Հայաստանի «Զվարթնոց» միջազգային օդանավակայանում ադրբեջանական ինքնաթիռ է վայրէջք կատարել։ Ադրբեջանական լրատվամիջոցների համաձայն, Երևան է ժամանել կառավարական պատվիրակություն, որը գլխավորում է այդ երկրի փոխվարչապետ Շահին Մուստաֆաևը:
Մուստաֆաևը Ադրբեջանի և Հայաստանի միջև պետական սահմանի սահմանազատման պետական հանձնաժողովի նախագահն է։
