Հայաստանից զենքի արտահանումները շարունակական բնույթ են կրելու, հայտարարել է վարչապետ Նիկոլ Փաշինյանը մայիսի 22-ին ճեպազրույցի ժամանակ։
«Այո, պայմանագրեր կան, նաև երկարաժամկետ պայմանագրեր կան, և այդ պայմանագրերն աշխատելու են»,- ասել է Փաշինյանը, հայտնում է Արմենպրեսը:
Ավելի վաղ բարձր տեխնոլոգիական արդյունաբերության նախարար Մխիթար Հայրապետյանը հայտարարել էր, որ հայկական արտադրության զենք արտադրող երեք ընկերություն միլիոնավոր դոլարների արտահանում է իրականացրել երկու երկիր։ Սակայն նախարարը չէր հստակեցրել, թե որ ընկերություններն են իրականացրել արտահանումը, ինչ զինատեսակներ են մատակարարվել և որ երկրներ են ուղարկվել։
