Հակակոռուպցիոն կոմիտեի քննիչներն ավարտել են «Բարգավաճ Հայաստան» կուսակցության պատգամավորի թեկնածու, ԱԺ «Պատիվ ունեմ» խմբակցության պատգամավոր Մարտուն Գրիգորյանի տան և նախընտրական շտաբի խուզարկությունները։
Իրավապահ մարմինների ներկայացուցիչները առգրավել են համակարգիչներ և փաստաթղթեր, հայտնում է Aysor.am-ը:
Վաղ առավոտից խուզարկություններ էին իրականացվում ընդդիմադիր պատգամավորի բնակարանում և գրասենյակում։ Հակակոռուպցիոն կոմիտեն հայտնել էր, որ գործողություններն իրականացվում են կոմիտեում քննվող վարույթի շրջանակում։
ԲՀԿ առաջնորդ Գագիկ Ծառուկյանի մամուլի խոսնակ Իվետա Տոնոյանը հայտարարել է, որ քարոզարշավը Նիկոլ Փաշինյանի կողմից «վերածվել է բացահայտ քաղաքական հաշվեհարդարի»։
«Հրավիրում ենք միջազգային կառույցների, մեր երկրում իրենց դիվանագիտական առաքելությունն իրականացնող պաշտոնյաների, դիտորդների ուշադրությունը այս հակաօրինական գործընթացների վրա»,- նշել էր նա։
