90 ականներին ՌԴ-ում, մասնավորապես Կալուգայում, արտասահմանյան անձնագիր ստացած 60-70 ականների ծնունդ գրեթե բոլոր քաղաքացիների աշխատանքի վայրի մասին տեղեկատվության տեղը տվյալների բազայում գրվել է «Иц Фсб», հայտնել է «Ուժեղ Հայաստան» դաշինքի առաջին համար Նարեկ Կարապետյանը ֆեյսբուքյան իր էջում՝ անդրադառնալով The Insider-ի հրապարակած փաստաթղթին:
«Կցված են օրինակներ, կարող ենք 100 ներով դնել:
Մաքուր մարդուն անվանարկելու յուրաքանչյուր փորձ հետ է վերադառնալու անվանարկողներին»,-գրել է նա:
Ռուսական The Insider պարբերականը օրեր առաջ հրապարակել էր ծավալուն հետաքննություն, որտեղ, ի թիվս այլ պնդումների, նշվել էր․ «1999 թվականին, երբ Կարապետյանը Կալուգայում արտասահմանյան անձնագիր էր ստանում, արտահոսած օֆլայն տվյալների բազաների համաձայն՝ նրա անձնագրային գործում «աշխատանքի վայր» դաշտում առկա է եղել ՆԳՆ-ի նշում՝ ФСБ-ի տեղեկատվական կենտրոն»։
