Հունվարի 13‑ին Վաշինգտոնում տեղի կունենա Հայաստանի ԱԳ նախարար Արարատ Միրզոյանի և ԱՄՆ պետքարտուղար Մարկո Ռուբիոյի հանդիպումը: Այդ մասին ասվում է ԱՄՆ պետքարտուղարության կայքում:
Միրզոյանի ու Ռուբիոյի երկկողմ հանդիպումը նախատեսված է Վաշինգտոնի ժամանակով ժամը 12։00‑ին (Երևանի ժամանակով՝ 21։00‑ին)։
Հանդիպմանը կմասնակցեն ԱՄՆ պետքարտուղարի տեղակալ Ալիսոն Հուքերը, Բյուրոյի ավագ պաշտոնյա Բրենդան Հանրահանը:
ՀՀ ԱԳՆ-ն առաջիկա հանդիպման մասին չի հայտնել:
Հունվարի 9‑ին Արարատ Միրզոյանը հանդիպում է ունեցել Հայաստանում ԱՄՆ դեսպան Քրիստինա Քվինի հետ՝ վերջինիս դիվանագիտական առաքելության ավարտի կապակցությամբ:
