Կենտրոնական բանկը հայտարարել է, որ սոցփաթեթի հաշիվները սպասարկող բանկերն իրավասու չեն մերժել հաշիվներ բացել:
«ՀՀ կառավարության 2012 թ. դեկտեմբերի 27-ի N 1691-Ն որոշման սոցիալական փաթեթի ծրագրով (այսուհետ՝ Ծրագիր) շահառուների սոցիալական փաթեթի հաշիվները սպասարկող բանկերն իրավասու չեն Ծրագրով և բանկի կողմից սահմանված պահանջներին բավարարող քաղաքացիներին մերժելու՝ բացել հաշիվներ, ինչպես նաև հաշվի բացումը պայմանավորել այլ ծառայությունից օգտվելու նախապայմաններով (օրինակ՝ աշխատավարձի տեղափոխում, հավելյալ ծառայությունների ձեռքբերում և այլն)»,-ասվում է հաղորդագրության մեջ:
ԿԲ-ն նաև քաղաքացիներին հորդորել է նման խախտումների դեպքում քայլեր ձեռնարկել՝ ըստ հետևյալ ընթացակարգի.
- Ուղարկել գրավոր դիմում-բողոք տվյալ բանկի պաշտոնական էլեկտրոնային հասցեին՝ հստակ նկարագրելով իրավիճակը, պահանջելով բացել հաշիվ և ստանալ մերժման պատճառների բացատրություն։
- Նույն դիմումի պատճենը անհրաժեշտ է ուղարկել նաև Կենտրոնական բանկի էլեկտրոնային հասցեին: [email protected]։
