Փետրվարի 25-ին Ադրբեջանից Հայաստան 4500 տոննա դիզելային վառելիք կառաքվի: Այն կուղարկվի երկաթուղային ճանապարհով, գրում է APA-ն:
Ադրբեջանի և Հայաստանի միջև խաղաղության օրակարգի համաձայն՝ նավթամթերքների մատակարարումները ՀՀ մեկնարկել են 2025-ի դեկտեմբերի 18-ին։
Դեկտեմբերի 19-ին Հայաստան է մտել Socar ընկերության բենզինով բեռնված 22 վագոնից կազմված գնացքը, որին հաջորդել է ևս 2 խմբաքանակի ներմուծում:
Ադրբեջանական բենզինի ներմուծման հարցին է անդրադարձել ԱԳ նախարար Արարատ Միրզոյանը՝ նշելով․ «Բենզինի ձեռքբերումը, որքան հասկանում եմ, շատ շահավետ է ՀՀ քաղաքացիների համար։ Ես տեսա, որ բոյոկոտի կոչեր կան, բայց իմացա, որ նաև հերթեր կան այդ բենզինի համար»:
Հարցին, թե ինչու է Ադրբեջանը Հայաստանին էժան բենզին տալիս, Միրզոյանը պատասխանել է․ «Որովհետև խաղաղությունը հաստատված է և համագործակցություն պետք է ձևավորվի, և մեր տարածքով էլ պետք է անցնեն Ադրբեջանի և Թուրքիայի բեռներ, և մենք պետք է իրենց տարածքով անցնենք»։
