Ազգային ժողովում անցկացված փակ և գաղտնի քվեարկության արդյունքում Մարտին Գալստյանը վերընտրվել է Կենտրոնական բանկի նախագահի պաշտոնում։
107 պատգամավորից քվեարկությանը մասնակցել է 69-ը։ Քվեատուփում հայտնաբերվել է 69 քվեաթերթիկ, անվավեր քվեաթերթիկներ չեն արձանագրվել, հայտնում է Արմենպրեսը:
Արդյունքում Մարտին Գալստյանի թեկնածությանը «կողմ» է քվեարկել 69 պատգամավոր։
Մարտին Գալստյանը զբաղեցնում է ՀՀ կենտրոնական բանկի նախագահի պաշտոնը 2020 թվականի հունիսի 13-ից։
